Skip to content
Швајцарската полиција пронашла мртви 33-годишен маж и неговиот син на две и пол години во сместувачки објект во Ватвил, во кантонот Санкт Гален. Двајцата биле хрватски државјани со живеалиште во кантонот.
Потрагата почнала утрото на 3 ноември, откако градската полиција во Санкт Гален примила пријава дека таткото не го вратил детето кај мајката во договореното време. Родителите живееле одвоено. По проверки на градската и кантоналната полиција, таткото и детето биле пронајдени доцна истата вечер.
Кантоналната полиција соопшти дека околностите на местото упатуваат на сомнеж дека таткото го убил детето, а потоа си го одзел животот. Истрагата за точните околности ја води обвинителството на кантонот Санкт Гален. Во увидот учествувале и стручни лица од Институтот за судска медицина при кантоналната болница.
