Search
Close this search box.
Search
Close this search box.

Арсовски: Ако опозицијата ја бојкотира техничката влада, тоа ќе го намали нејзниот легитимитет

„Ако опозицијата ја бојкотира оваа техничка влада, тоа ќе го намали нејзиниот легитимитет. Сега би било во нивна корист да учестуваат во оваа техничка влада. Постојат повеќе причини околу наративот која е националноста а не квалификациите на оној што е премиер оти ние се уште сме во полуетничка фаза на општеството. Но ова е чекор кон поголема меритократија. Во моментот Албанците добиваат симболичка поткрепа дека ниедна функција не е резервирана само за една етничка група. Вистинското прашање е дали опозицијата поради функцијата технички премиер на Талат Џафери ќе ја бојкотира техничката влада и тоа може да го искомплицира работите“, посочи политичкиот аналитичар Петар Арсовски во Студио 10 на ТВ 24.

Арсовски додава дека тој не гледа оптимистично решение дека уставните измени ќе се случат брзо, освен ако не се формира влада. Како држава ние сме ставени во една фаза на т.н средорочен циклус, кадешто ни ЕУ не е сигурна за измените, а и земјите од балканот губат интерес за било какви реформи.

„Не е исклучено европскиот фронт да ги помати сметките на ВМРО ДПМНЕ која очигледно има стартна позиција. Важно е париите да изнесат многу повеќе од нивните политички платформи пред изборите, за граѓаните да знаат што ќе спроведуваат и да не се доведеме до моментот кадешто Македонците ќе си гласаат за Македонци а Албанците за Албанци“, рече Арсовски

Арсовски додава дека Донтовиот модел ги фаворизира предизборните коалиции и навистина е тешко да се состават пратенички листи, бидејќи нема простор за гласачите да кажуваат по кој редослед да се вклучуваат пратениците во парламентот наместо партиските раководства.

Зачлени се на нашиот е-билтен

Најново