Skip to content
Во коментарот на Finance Think на соопштението на Меѓународниот монетарен фонд (ММФ) ја оцени македонската економија како стабилна, со проектиран раст од 3.3% во 2025 година, но потенцијалните ризици остануваат значајни. Finance Think ги истакнува следните клучни точки од соопштението на ММФ, кои заслужуваат внимание од носителите на економските политики:
Фискални ризици – Недоволната реализација на проектираните буџетски приходи претставува сериозен предизвик. Finance Think веќе укажа на ова во ФТ Коментар бр. 40 (ноември 2024), предупредувајќи дека растот на приходите е проектиран со нереално висока номинална стапка од 12.8%. Ова може да доведе до зголемување на буџетскиот дефицит, освен ако не се компензира со потреализација на капиталните инвестиции.
Јавен долг – Продолженото зголемување на буџетскиот дефицит го надмина нивото од 60% од БДП, што ја потенцира потребата за кредибилна фискална стратегија. Finance Think во Студија за политиките 53 (ноември 2024) нагласи дека усогласеноста со фискалните правила е клучна за стабилен економски раст.
Сива економија – ММФ го потенцира значењето на борбата против неформалната економија преку подобрување на ефикасноста на Управата за јавни приходи. Нашата Студија за политиките 50 (март 2024) понуди препораки за ова прашање, кои можат да придонесат за подобрување на приходната страна од буџетот.
Фискална дисциплина и јавни финансии – ММФ препорачува ограничување на идните зголемувања на пензиите, јавните плати и минималната плата за да се избегнат дополнителни инфлаторни притисоци. Овие препораки се целосно усогласени со нашата Студија 53, која нагласува дека непредвидливите зголемувања го загрозуваат фискалниот баланс.
Монетарна политика и инфлација – ММФ предупредува дека материјализацијата на фискалните ризици може да ја ограничи способноста на монетарната политика за понатамошно олабавување. Особено се истакнува ризикот од зголемени домашни фактори на инфлација, како што се растот на платите и пензиите. Овој став е во согласност со нашите претходни анализи, во кои укажуваме дека експанзивните фискални мерки претставуваат значаен инфлаторен ризик.
Finance Think ја поддржува потребата за стабилна и предвидлива економска политика, која ќе овозможи одржлив раст и подобрување на макроекономската стабилност.
