Германска туристка пронајдена почината во хотел во Охрид, наредена обдукција

Седумдесетгодишна туристка од Германија била пронајдена почината во хотел на кејот „Македонија“ во Охрид. При првичниот преглед не биле забележани траги на насилство, а по наредба на јавен обвинител телото е предадено на обдукција за да се утврди причината за смртта.

Случајот бил пријавен во СВР Охрид. На местото пристигнала екипа на Итната медицинска помош, а лекар констатирал смрт кај Б.Х.К. (70), државјанка на Германија.

Жената била сместена во хотел на охридскиот кеј. По пријавата, полициски службеници извршиле увид по овластување на јавен обвинител.

Според информациите објавени од полицијата, при првичниот медицински преглед на телото немало траги што би укажувале на насилство. Сепак, причината за смртта засега не е утврдена и треба да ја покаже обдукцијата.