Сезонските работници со законска регулација – но дури од следната сезона

Келнери, готвачи, негуватели на деца и стари лица, аргати на нива и други привремени работници наскоро ќе можат да бидат ангажирани легално, со платени придонеси, според новиот предлог-закон кој се разгледува во Собранието. Целта е да се намали неформалната економија и да се обезбеди социјална заштита за работниците. Сепак, агенциите за посредување со работа во странство се сомневаат дека ова ќе го спречи заминувањето на сезонски работници во Хрватска, Црна Гора и Словенија.

Слична е и ситуацијата со многу Македонци кои сезонски работат во угостителството, земјоделството и домашните услуги во странство, привлечени од подобрите услови и платите.

Предлог-законот, кој го поднесоа пратеници од ВМРО-ДПМНЕ и СДСМ, ќе овозможи работно ангажирање на студенти, пензионери, невработени и корисници на социјална помош, без губење на нивните права. Првпат ќе се дозволи и вработување на малолетници под 18 години, под одредени услови.

Работниците ќе добиваат плата на трансакциска сметка, а работодавачите ќе бидат обврзани да плаќаат данок и придонеси. Казните за прекршување на законот ќе изнесуваат од 200 до 1.000 евра.

Законот предвидува ограничувања – домаќинствата, земјоделците и угостителите ќе можат да ангажираат работници за најмногу 120 дена годишно, а секој работник ќе може да работи до 60 дена во една година.

И покрај новите мерки, многу работници ќе продолжат да ја бараат својата шанса во странство, додека Македонија се соочува со предизвикот да создаде поповолни услови за работа дома.