Skip to content
Партијата Демократска Црна Гора му даде согласност на претседателот на државата, Јаков Милатовиќ, да му го довери мандатот за состав на новата влада на лидерот на Движењето Европа сега (ПЕС), Милојко Спајиќ, соопшти претседателот на Демократите, Алекса Бечиќ.
По консултациите со Милатовиќ тој изјави дека тоа било одлучено на седницата на претседателството на Демократите.
Бечиќ рече дека тој и Милатовиќ имале содржаен состанок, на кој истакнале дека е неопходно Црна Гора што поскоро да добие нова законодавна и извршна власт, бидејќи претстојат многу предизвици и реформски процеси.
