Убиен Ѓуричковиќ кај Цетиње, пронајден запален автомобил со пушки

Милош Ѓуричковиќ (56) е убиен во автомобил во Бајице, населба на периферијата на Цетиње, а полицијата се сомнева дека во нападот непосредно учествувале најмалку две лица. Во потрагата е пронајден запален автомобил со две пушки, за кои се проверува дали биле употребени во убиството.

Пронаоѓањето на телото било пријавено во саботата, 21 ноември, околу 10.30 часот. Истражителите сè уште го утврдуваат точното време на убиството.

Според неофицијални информации на „Вијести“, кон автомобилот на Ѓуричковиќ било пукано од непосредна близина, од две страни, со најмалку триесетина истрели од автоматско оружје. Бројот на погодоците треба да се утврди со обдукција.

Од црногорската Управа на полицијата соопштија дека запалениот автомобил не бил регистриран во Црна Гора и не се наоѓал во официјалните евиденции на надлежните органи. Поради тоа, истрагата вклучува и меѓународна полициска соработка.

Покрај непосредните извршители, се проверуваат и лица за кои постои сомнеж дека учествувале во подготовката и планирањето во други држави, како и во обезбедувањето помош по нападот. На терен се спроведуваат блокади, контроли и пребарувања, со поддршка од воздух и ангажирање на хеликоптерската единица на Војската на Црна Гора.

Полицијата го поврзува убиството со дејствување на организирани криминални групи. Според „Вијести“, Ѓуричковиќ бил евидентиран како наводен припадник на цетињскиот огранок на шкаљарскиот клан.

Два дена претходно, на 19 ноември, во Никшиќ бил убиен и Дарко Вицковиќ (46), кого црногорските медиуми исто така го поврзуваат со шкаљарската група.

Ѓуричковиќ претходно преживеал вооружен напад во Белград во мај 2017 година. Неговиот брат Радомир бил убиен на Цетиње во 2016 година, а братучедот Горан Ѓуричковиќ во Будва во 2015 година.

Обвинителството соопшти дека од местата на настанот се обезбедени бројни траги, кои ќе бидат предмет на форензички вештачења.

Рацин.мк ве прашува:

Кој најмногу придонесува говорот на омраза да стане нормална појава во Македонија?

Најчитано

Рацин.мк ве прашува:

Кој најмногу придонесува говорот на омраза да стане нормална појава во Македонија?