[Видео] Вучиќ имаше средба со холивудската ѕвезда Кетрин Зета Џонс

Претседателот на Србија, Александар Вучиќ имаше средба со холивудската ѕвезда, американската актерка Кетрин Зета Џонс, која престојува во Белград.

„Имав големо задоволство да бидам домаќин на една од најголемите холивудски ѕвезди, Кетрин Зета Џонс, актерка која исто така зеде дел од славата од познатиот Зоро“, напиша Вучиќ на Инстаграм, кој, покрај фотографиите од актерката како прима букет цвеќе, покажа и исечок од филмот „Зоро“.

Особено сум среќен што Србија и Белград стануваат се попрепознатливи на мапата на светската филмска индустрија. Сè повеќе продуценти, режисери и актери откриваат она што го знаеме долго време – дека нашата земја нуди врвни локации, талентирани луѓе и гостопримство што ќе се памети долго време, додаде Вучиќ.

Ако денот се познава по утрото, наскоро ќе биде подеднакво веројатно да сретнете холивудска ѕвезда во Белград како и сосед од регионот, напиша претседателот на Србија на социјалните мрежи.