Силна експлозија сруши зграда во Рим

Силна експлозија сруши зграда на улицата Вителија во областа Монтеверде во Рим, јавија италијанските медиуми.

Експлозијата се случила рано утринава, нешто пред 09:00 часот. Сведоците опишаа дека слушнале експлозија, „како бомба“, проследена со изразен мирис на гас што се шири низ областа само неколку моменти пред да се урне зградата.

Службите за итни случаи, вклучително и карабинери, полиција и пожарникари, излегоа на местото на настанот. Успеале да извлечат жена од урнатините, а се верува дека нема други лица заробени под урнатините.

Властите сега ја истражуваат причината за експлозијата, а првичните извештаи сугерираат дека најверојатно експлозијата се случила поради боца со гас. Полицијата ја опколи целата област.