Талибанците преговараат со САД за размена на затвореници

Талибанците од Авганистан потврдија дека преговараат со САД за да се изврши размена на затвореници, наведувајќи дека сè уште не е постигнат договор.

Заменик портпаролот на талибанците Хамдула Фитрат изјави дека се водат преговори за ослободување на Американците од затвори во Авганистан во замена за затвореник од Гвантанамо, јави авганистанската телевизија Толо њуз.

„Волстрит џурнал“ во вторникот објави дека американската администрација преговара со Авганистан за размена на Американците притворени во земјата за најмалку еден затвореник од Гвантанамо, кој наводно бил во контакт со поранешниот лидер на Ал Каеда, Осама бин Ладен.