Трамп ги оцени разговорите со Путин како „продуктивни“ и го повика да ги поштеди украинските војници

Американскиот претседател Доналд Трамп изјави во петокот дека има „многу добри шанси“ војната меѓу Русија и Украина да заврши откако Вашингтон имаше „продуктивни“ дискусии со рускиот претседател Владимир Путин во четвртокот.

Тој додаде дека побарал Путин да ги поштеди животите на „целосно опкружените“ украински војници, очигледно мислејќи на украинските сили кои се потиснати од регионот Курск, нивното единствено упориште на руска територија.

„Вчера имавме многу добри и продуктивни дискусии со рускиот претседател Владимир Путин и има многу добри шанси оваа ужасна, крвава војна конечно да дојде до крај“, рече Трамп во објавата на „Truth Social“.

Портпаролката на Белата куќа, Каролин Левит, подоцна им објасни на новинарите дека Трамп не разговарал со Путин и дека неговата објава на социјалната мрежа е оценка за разговорите на Стив Витков со Путин.

Виткоф имаше долга средба со Путин во Москва во четвртокот навечер, според извор информиран за ова прашање, кој сакаше да остане анонимен.