Избрани се дизајните за новите евро банкноти, еве што ќе содржат

Европската централна банка (ЕЦБ) избра идеен дизајн за нови банкноти на еврото, кој вклучува птици, реки и познати личности како Марија Кири и Леонардо да Винчи.

„Новите банкноти ќе го симболизираат нашиот заеднички европски идентитет и различноста што не прави силни“, рече претседателката на ЕЦБ, Кристин Лагард.

Првата тема, „Европската култура“, ги слави заедничките културни простори кои со векови го обликувале европскиот идентитет, велат од ЕЦБ.

Дизајните вклучуваат француско-полска нобеловка Марија Кири, германскиот композитор Лудвиг ван Бетовен и сликарот и италијански уметник Леонардо да Винчи. На позадината може да се прикажуваат згради како библиотеки или универзитети.

Втората група, „Реки и птици“, ја нагласува отпорноста и различноста на природните екосистеми во Европа. На задната страна на банкнотите од оваа тема може да има европски институции, како што се Европскиот парламент или Европската комисија.

„Возбудени сме што можеме да претставиме мотиви од реалниот живот кои ја одразуваат нашата посветеност на Европа и го слават нејзиното културно наследство и природна средина“, рече Лагард.

На одлуката влијаеја сугестии на експерти и анкета во која учествуваа околу 365.000 Европејци во 2023 година.

Централните банки редовно развиваат нови серии на банкноти за да им отежнат на фалсификаторите. Покрај тоа, ЕЦБ има за цел да го намали нивното влијание врз животната средина. Намерата е банкнотите на пример да имаат подолг животен век.

Ќе помине некое време додека потрошувачите да ги добијат новите банкноти. Конкурс за дизајн треба да се одржи во 2025 година за да може Управниот совет на ЕЦБ да ги избере конечните решенија во 2026 година. Во тој момент, ЕЦБ планира да ги претстави дизајните на јавноста и да побара мислење од неа.

Дизајните на сегашните банкноти на еврото, за разлика од поранешните национални валути, вклучуваат имагинарни градби. Првите банкноти на еврото беа издадени во 2002 година. Од мај 2019 година, втората генерација банкноти е во оптек, заедно со нови безбедносни карактеристики.