Мицкоски се фотографираше со медалот на Перо Антиќ

По успехот на младинската кошаркарска репрезентација на Европското првенство, младите кошаркашки надежи беа примени во Владата, каде што ги пречекаа премиерот Христијан Мицкоски и министерот за спорт Борко Ристовски.

На фотографиите кои ги објави Владата, интересно е да се забележи дека премиерот Мицкоски се фотографира со златниот медал кој му го дава претседателот на Кошаркарската федерација на Северна Македонија, Перо Антиќ.

Помеѓу фотографиите може да се види и дека кошаркарите, заедно со претседателот на федерацијата, Антиќ, се сликаат и со министерот за спорт, Ристовски. Токму Ристовски минатата година во еден медиумски настап го навреди и наклевети Антиќ дека поранешниот кошаркар пиел и користел дрога.

Перо Антиќ беше на мета токму од Ристовски, но и останати поддржувачи на ВМРО-ДПМНЕ дека во името на кошаркарската федерација го ставил новото уставно име на земјата, Северна Македонија. Антиќ за ваквите обвинувања објави дека името на федерацијата е променето на ист ден кога тој станал претседател на федерацијата, но пред неговиот избор, односно додека претседател на Кошаркарската федерација бил Петар Наумоски, поранешен пратеник на ВМРО-ДПМНЕ.