Skip to content
Возачите од полноќ ќе плаќаат повисока цена за бензините, додека дизел-горивото ќе поевтини, покажува најновата корекција на цените на нафтените деривати.
Цените на двата вида бензин се зголемуваат за половина денар за литар. Еуросупер БС-95 ќе се продава по максимална цена од 84,50 денари, додека Еуросупер БС-98 ќе чини 86,50 денари за литар.
Дизелот поевтинува за половина денар, со што новата максимална малопродажна цена ќе изнесува 80 денари за литар.
Цената на екстра лесното масло за домаќинство останува непроменета и ќе изнесува 79,50 денари за литар. Намалување има и кај мазутот.
Со новата корекција, полнењето резервоар од 50 литри со бензин ќе чини 25 денари повеќе, додека за исто количество дизел ќе се плаќа 25 денари помалку.
Новите максимални малопродажни цени стапуваат во сила на 30 јуни во 00:01 часот. Трговците можат да ги продаваат горивата и по цени пониски од утврдените максимални износи.
