Skip to content
Од опозициската СДСМ, обвинуваат дека во изминативе 8 месеци Владата на Мицкоски и ДПМНЕ целосно ги разочара земјоделците и ги остави сами. Од таму тврдат дека министерот за земјоделство, шумарство и водостопанство, Цветан Трипуновски, покажал како може да се блокира откупот на ориз кој како никогаш досега останал неоткупен со одземање на лиценци за откуп на фирмите.
„Излажа дека ќе воведе мерка која ќе се однесува на откупувачите и за 1.000 кг. откупена и извезена оризова арпа откупувачите ќе добијат 6.000 денари. Досега нема таква мерка. Покажа како се блокираат законите во Собранието а преку измените во овие закони за земјоделство ќе се овозможеше поголема финансиска поддршка на земјоделските задруги“, велат од СДСМ.
ОД СДСМ посочуваат дека високите цени во лозарството се заслуга на социјалдемократите, со донесениот нов Закон за виното.
„Факт е дека сите програми и политики кои ги критикуваа ДПМНЕ и Трипуновски како опозиција додека денес полни им се устите како нивно достигнување. Тоа земјоделците најдобро го знаат. ДПМНЕ зборува за развој на сточарството а ги намали субвениите кај кравите од 12.000 дена по крава на само 8.000 денари. Со ДПМНЕ на земјоделците им е само полошо. Едно е јасно а тоа дека ДПМНЕ ниту знае ниту има развојна програма за развој на земјоделството“, велат од СДСМ.
