Skip to content
На собир во Феникс, Аризона, Доналд Трамп, кој ќе ја преземе функцијата претседател на САД на 20 јануари, најави серија контроверзни мерки. Според неговите изјави, веднаш по инаугурацијата, ќе потпише укази со кои ќе се забрани присуството на транссексуални лица во војската и училиштата, а ќе се ограничи пристапот на малолетници до медицински процедури за промена на пол.
Трамп ја најави и официјалната политика на САД која ќе признава само два пола – машки и женски. Ова прашање предизвикува длабоки поделби во американското општество, особено во контекст на правата на трансродовите лица и нивниот пристап до спортови и јавни установи.
Во исто време, Трамп најави и започнување на најголемата операција за депортација на нелегални мигранти во историјата на САД, како и своја визија за ставување крај на војната во Украина, спречување на хаосот на Блискиот Исток и избегнување на Трета светска војна. Сепак, тој не даде конкретни детали за тоа како ќе ги спроведе овие цели.
„20 јануари ќе биде ден за ослободување на Америка“, порача Трамп пред своите поддржувачи.
.jpg){kind=link}