Skip to content
Американскиот претседател Доналд Трамп во петокот објави дека му ги укинува безбедносните сертификати на поранешниот претседател Џо Бајден и ги прекинува неговите дневни разузнавачки брифинзи.
„Нема потреба Џо Бајден да продолжи да добива пристап до доверливи информации“, напиша Трамп во објавата на Truth Social во петокот вечерта.
Привилегиите ќе бидат веднаш укинати, според претседателот.
Тој додаде дека преседанот го направил самиот Бајден.
„Тој го направи овој преседан во 2021 година, кога и наложи на Разузнавачката заедница да го спречи 45-от претседател на Соединетите Американски Држави (ЈАС!) да пристапува до деталите за националната безбедност, учтивост обезбедена за поранешните претседатели“, напиша Трамп.
Претседателот го забележа извештајот Хур, за кој тој тврди дека открил оти Бајден страда од „лоша меморија“ и дека не може да му се верува со чувствителни информации, се вели во објавата.
Трамп во објавата напиша дека секогаш ќе ја штити националната безбедност.
„ЏО, ОТПУШТЕН СИ. ДА ЈА НАПРАВИМЕ АМЕРИКА ПОВТОРНО ГОЛЕМА“, напиша тој.
