Skip to content
Естонија побара од Европската Унија да дозволи искористување на замрзнатите руски средства за поддршка на Украина, отфрлајќи го рускиот предлог тие да бидат вклучени во мировниот договор.
Официјално барање за ова прашање веќе е поднесено до партнерите во ЕУ, а темата ќе биде поставена на утрешниот состанок на министрите за надворешни работи во Брисел, кој се совпаѓа со третата годишнина од руската инвазија.
Како дел од санкциите кон Москва, во рамките на ЕУ се замрзнати приближно 210 милијарди евра во руски средства.
Минатата година, групата Г-7 заедно со ЕУ се согласи приходите од овие средства да се искористат за финансирање на заем од 50 милијарди долари за Украина, но самите средства останаа нетакнати.
„Одлуката за користење на приходите беше чекор во вистинската насока. Сега е време да преминеме кон следниот чекор“ изјави естонскиот министер за надворешни работи, Маргус Цахкна.
Русија предложи дел од замрзнатите средства да бидат искористени за регионите под нејзина контрола, но Естонија го отфрли тој предлог, посочувајќи дека тоа би значело легитимирање на руската окупација.
