Лекорну: Франција и нуди разузнавачки информации на Украина

Франција и нуди разузнавачки информации на Украина, изјави денеска министерот за одбрана, Себастиен Лекорну, еден ден откако Вашингтон соопшти дека го прекинува споделувањето разузнавачки информации со Киев, во обид да го засили притисокот врз украинскиот претседател Володимир Зеленски.

-Имаме разузнавачки ресурси што ги користиме за да им помогнеме на Украинците, изјави Лекорну за радио станицата Франс Интер. „Тоа е суспендирано од вчера попладне“, додаде тој, мислејќи на размената на американски разузнавачки информации со Украина.

„Мислам дека за нашите британски пријатели кои се во разузнавачката заедница со САД, тоа е покомплицирано“, нагласи Лекорну.