Поранешниот министер за економија, Крешник Бектеши, пред судија во Кочани

Поранешниот министер за економија, Крешник Бектеши, е спроведен пред судија на претходна постапка во Кочани, кој треба да одлучи дали ќе му биде одреден краткотраен притвор.

Бектеши е еден од осомничените за трагедијата во Кочани, во која загинаа 59 лица. Според обвинителството, дискотеката во која избувна пожарот поседувала фалсификувана лиценца, издадена од Министерството за економија, додека тој беше министер.

Во врска со случајот, досега се осомничени 14 лица, а обвинителството побара краткотраен притвор за повеќе од нив.

Градоначалникот на Кочани, Љупчо Папазов, кој е под силен притисок од јавноста, моментално е во Обвинителството во Кочани, но засега не е познато дали ќе биде официјално осомничен.