Skip to content
Коалицијата „Европски фронт“ предводена од ДУИ денеска оцени дека државата наместо да работи на членството во Европската Унија, оди во изолација.
Според Мурати, преговорите со Европската Унија се блокирани и државата заостанува во однос на соседите.
„Ова е историска грешка во движење — од патот кон Европа, кон една реалност на изолација. Северна Македонија некогаш беше пример на надеж за регионот. Денес, таа е пример на застој. Преговорите со ЕУ се блокирани. Уставните измени пропаднаа. Институциите молчат. А граѓаните ја плаќаат цената“, рече Мурати.
Како што посочи, Албанија со отворени поглавја очекува членство во ЕУ до 2030 година, а Црна Гора е на истата патека, додека Северна Македонија е последна не затоа што нема капацитет, туку затоа што нема политичка волја.
„Европа е решението. Изолацијата е ризикот. Кој работи против Европа — работи против граѓаните. Кој ги блокира уставните измени — ја блокира иднината. Кој стои во место — ја губи историјата“, рече Мурати.
