Путин го потпиша законот за електронска регистрација на странци кои влегуваат во Русија

Како што јавуваат руските медиуми, овој систем треба да содржи податоци за сите странци и лица без државјанство кои влегуваат, излегуваат или престојуваат во Русија.

Агенцијата наведува дека целта на креирањето на регистарот е да се соберат поцелосни, поточни и поажурирани информации за проценка на миграциската состојба во земјата.

„Со цел да се обезбеди државна безбедност, да се зачува јавниот ред и да се подобри државната миграциска политика на Руската Федерација, му наредувам на Министерството за внатрешни работи до 30 јуни 2026 година да обезбеди создавање на државен информациски систем „Дигитален профил на странски државјани“, се наведува во документот објавен на официјалниот портал за правни документи.