Skip to content
Денес попладне во Тетово се одржа автомобилско шоу кое, според поплаки од граѓани, траело од 16:30 часот со ниво на бучава далеку над дозволените 40 децибели за периодот од 15:00 до 18:00 часот.
Сведоци на настанот велат дека за време на целиот настан не било забележано полициско присуство, иако активностите вклучувале дрифт, возење во круг, палење гуми и настапи со возила со модифицирани ауспуси што создавале засилена бучава.
Граѓаните изразуваат незадоволство поради нарушување на јавниот ред и мир, како и поради недостатокот на надзор од надлежните служби. Засега нема официјално соопштение од полицијата или од локалната самоуправа во врска со одржувањето на настанот.
