Европа го затвора родовиот јаз побрзо од кога било: Кои земји се предводници во однос на еднаквоста, а кои сè уште чекорат по патот?

Родовата еднаквост значително варира од земја до земја низ европскиот континент. Според најновиот извештај за Индексот на родовиот јаз за 2025 година, кој го мери степенот на еднаквост меѓу жените и мажите, земји како Исланд, Финска и Норвешка се на самиот врв на листата.

Овие нордиски земји успеаја да го намалат повеќе од 85 проценти од вкупниот родов јаз, што ги става меѓу глобалните лидери кога станува збор за постигнување родова еднаквост.

Овој индекс, кој се објавува годишно од Светскиот економски форум, го следи напредокот на земјите во постигнувањето родова еднаквост во четири клучни области:

· Учество на жените во економијата (вклучувајќи вработување и пристап до лидерство);

· Образование (пристап до основно, средно и високо образование);

· Здравство (очекуван животен век и здравствена заштита);

(застапеност на жените во парламентите, владите и на највисоките позиции за донесување одлуки).

Иако повеќето европски земји имаат речиси целосно изедначени можности во областа на образованието, што значи дека жените и мажите имаат сличен пристап до школување и академски достигнувања.

Сè уште постојат значителни разлики во однос на застапеноста на жените на политички позиции и во економските структури, пишува „Europe magazine“.

Во многу земји, жените сè уште се недоволно застапени на позиции на моќ, како во корпоративниот сектор, така и во законодавната и извршната власт.