Дуа Липа доби косовско државјанство

Светски познатата пејачка Дуа Липа доби косовско државјанство. На 31 јули таа беше примена од косовската претседателка Вјоса Османи, кој ѝ додели државјанство на пејачката со претседателски декрет, објави Коха.

„Добредојде дома, Дуа! За мене е посебна чест што денес, со претседателски декрет, ѝ доделувам државјанство на Република Косово на Дуа Липа, една од најважните културни и уметнички личности во историјата на нашата земја“, напиша Османи на Фејсбук.

Таа рече дека Косово секогаш ќе биде гордо на пејачката.

„Дуа и Косово отсекогаш биле неразделни. Таа била и продолжува да биде еден од најмоќните гласови на најголемите светски сцени, создавајќи историја со своите достигнувања и станувајќи инспирација за милиони луѓе низ целиот свет. Нашата благодарност е бескрајна за сè што Дуа направила и продолжува да прави за Косово, за нашата младина, за нашата уметност и за меѓународниот имиџ на нашата земја“, напиша Османи.

Липа е во Косово, каде што ќе учествува на фестивалот „Сани Хил“. Таа ќе настапи денеска на првата вечер на фестивалот.