Од полноќ нови, повисоки цени на горивата

Регулаторната комисија за енергетика ги објави новите малопродажни цени на горивата кои ќе започнат да важат од полноќ.

Цената на ЕУРОСУПЕР 95 се зголемува за 0,5 денари, и од утре ќе се продава по цена од 74,5 денари по литар. Исто за 0,5 денари се зголемува и цената на ЕУРОСУПЕР 98+, и од утре ќе се продава по цена од 76,5 денари.

Цената на ЕУРОДИЗЕЛ се зголемува за 1 денар, и ќе чини 72 денари по литар.

Регулаторната комисија одлучи малопродажната цена на екстра лесното масло за домаќинство да не се менува и да остане 69,5 денари, а цената на мазутот М-1 НС да се намали за 0,486 денари за килограм и сега ќе изнесува 36,427 денари.