Skip to content
Лидерите на ЕУ и на земјите од Западен Балкан ќе се сретнат денеска во Брисел во рамките на Самитот ЕУ-Западен Балкан.
Состанокот, со кој ќе претседава претседателот Антонио Коста, ќе послужи како можност да се демонстрира и потврди силата на стратешкиот однос меѓу ЕУ и Западен Балкан и придобивките што тој ги носи за граѓаните.
Претседателот на Европскиот совет ќе ја претставува ЕУ на самитот заедно со претседателот на Комисијата. Ќе учествува и високата претставничка Каја Калас.
На крајот од самитот, ќе биде објавена декларацијата на самитот ЕУ-Западен Балкан. Од партнерите од Западен Балкан се очекува да се усогласат со декларацијата.
Стратешко партнерство меѓу ЕУ и Западен Балкан
Самитот ќе ја означи важноста на политичките и економските односи меѓу ЕУ и партнерите од Западен Балкан, особено во сегашниот геополитички контекст и потребата од сè посилни врски меѓу ЕУ и Западен Балкан.
ЕУ ќе ја потврди целосната и недвосмислена посветеност на перспективата за членство на Западен Балкан во Европската Унија, како и постигнатиот напредок во процесот на проширување, што е одразен во најновиот извештај на Комисијата.
На самитот ќе се нагласи важноста на опипливиот напредок во реформите, усогласувањето со „acquis“, регионалната соработка, добрососедските односи и помирувањето.
Надворешни работи и безбедност и одбрана
Во најава на Европскиот совет се истакнува дека лидерите на ЕУ и Западен Балкан се обединети во нивната непоколеблива поддршка и солидарност со Украина. ЕУ ги пофалува оние партнери од Западен Балкан кои веќе се целосно усогласени со Заедничката надворешна и безбедносна политика (ЗНБП) на ЕУ и ги охрабрува понатамошното усогласување од страна на оние партнери кои сè уште не го сториле тоа.
Соработка во управувањето со миграцијата и борбата против организираниот криминал и корупцијата
На Самитот ЕУ-Западен Балкан, како што стои во агендата, ќе се разговараат за активностите и заедничките напори во клучните области на мигранстките политики како што се:
- управување со миграцијата
- визна политика
- борба против трговијата со луѓе
- управување со границите
- борба против корупцијата, трговијата со дрога и организираниот криминал
- спречување и борба против тероризмот и насилниот екстремизам