Барбара Бобак после Кочани беше против користењето пиротехника, а за малку ќе настрадаше од таква прскалка

Барбара Бобак настапи во Загреб пред неколку дена, но во еден момент настапот речиси тргна наопаку поради сценските ефекти.

Додека пејачката беше во директен контакт со публиката, се случи ситуација што ги остави присутните без зборови.

Во еден момент, Барбара дојде до самиот раб на сцената, за да биде што е можно поблиску до публиката во првите редови, а исто така седна клекна бидејќи цело време ја снимаа.

Меѓутоа, тогаш, токму пред неа, беа активирани моќни пиротехнички средства. Густ бел чад одеднаш ја обви пејачката и ја удри директно во лицето. Иако сцената за момент изгледаше драматично бидејќи речиси ништо не можеше да се види од чадот, Барбара брзо реагираше и се повлече неколку чекори назад.

Бобакова не сакаше да го прекине настапот, туку само мавна со раката, обидувајќи се да го растера чадот околу себе, и продолжи да пее. Потоа ја коментираше ситуацијата.

Ме удри во лицето, само да знаеш. Те запаметив! – му рече Барбара на лицето задолжено за сценските ефекти.

Да ве потсетиме дека по трагедијата во Кочани, во Северна Македонија, Барбара изјави дека е голем противник на употребата на пиротехнички средства во клубовите.

Ми беше многу тешко, особено затоа што дури подоцна сфатив дека тоа се случило поради тие проклети прскалки. Врискам поради нив и никогаш не дозволувам да горат кај мене. Тоа е ѓубре, а тие очигледно се опасни. Многу ми е жал, сум вон себе. Не знам што да кажам, мислам дека треба да се воведе некаков закон во врска со пиротехничките средства. Тие многу си играат со тоа – изјави тогаш Барбара.