Skip to content
Француската морнарица денеска запленила танкер за нафта во западниот Медитеран за кој претседателот Емануел Макрон рече дека припаѓа на руската „флота во сенка“, мрежа од бродови што ѝ овозможува на Москва да извезува нафта и покрај западните санкции.
Локалните власти потврдија за Ројтерс претходно во петокот дека морнарицата се качила на бродот „Дејна“ под мозамбиско знаме поради сомнение дека управувал со лажно знаме. Бродот испловил од руското пристаниште Мурманск.
Операцијата беше спроведена со помош на британските сојузници, соопшти француската префектура за Медитеранот.
We remain resolute.
— Emmanuel Macron (@EmmanuelMacron) March 20, 2026
This morning in the Mediterranean, the French Navy intercepted and boarded another vessel from the shadow fleet, the Deyna.
The war involving Iran will not deflect France from its support for Ukraine, where Russia’s war of aggression continues unabated.… pic.twitter.com/SYCPKblacb
Русија молчи за запленувањето
Русија, која е под зголемени меѓународни санкции поради инвазијата на Украина во 2022 година, немаше непосреден коментар за запленувањето на танкерот. Москва претходно ги опиша запленувањата на нејзините танкери или бродови што го превезуваат нејзиниот товар како акти на пиратство. На барање на обвинителите, бродот беше придружуван до сидро за понатамошна инспекција, соопшти француската војска.