Skip to content
Поранешниот највлијателен човек во Молдавија, бизнисменот и политичар Владимир Плахотњук, е осуден на 19 години затвор од суд во Кишињев поради серија финансиски кривични дела, вклучително измама и перење пари. Пресудата, донесена на 22 април 2026 година, доаѓа по долга истрага и судска постапка што ја следи јавноста во земјата.
Судот утврдил дека Плахотњук е виновен и за организирање и водење криминална група, додека обвинителството претходно побарало построга казна од 25 години затвор. Според пресудата, тој има право на жалба, а паралелно против него се водат и дополнителни истраги поврзани со фалсификување документи и користење повеќе идентитети.
Случајот се поврзува и со документи запленети од грчките власти во објект во Атина, кои, според истражните органи, укажуваат на обид за прикривање на идентитет и активности.
Плахотњук со години важеше за клучна фигура во политичкиот и економскиот живот на Молдавија, особено во периодот кога ја предводеше Демократската партија. По политичката криза во 2019 година, тој ја напушти земјата, откако не успеа да формира влада и се соочи со серија обвиненија.