Малолетничка од Скопје паднала во отвор за лифт

Тешка несреќа се случила викендов во станбена зграда во центарот на Скопје.

Како што информира МВР, на 10.05.2026 во 04:00 часот во СВР Скопје, Т.К.(47) од Скопје пријавила дека на подрачјето на Центар, нејзината 17-годишна ќерка паднала во отвор за лифт во зграда во изградба.

Девојчето добило тешки телесни повреди, констатирани во Ургентен центар при комплекс клиники „Мајка Тереза” во Скопје.

Се преземаат мерки за расчистување на случајот, додаваат од МВР.