Skip to content
Американскиот министер за финансии Скот Бесант ги предупреди сојузниците на САД дека мора да изберат страна во напорите за економска изолација на Иран, откако претседателот Доналд Трамп најави нова кампања на притисок врз Техеран.
„Ова ќе биде најголемата координирана економска изолација во историјата на светот. Одиме кај нив и им велиме: или сте со нас или сте против нас“, изјави Бесант за CNBC, опишувајќи ја пораката на Вашингтон до сојузниците.
На прашањето дали САД ќе извршат притисок врз Кина, тој рече дека „многу од разговорите е најдобро да се водат приватно“, но го повика Пекинг да „се согласи со програмата“.
Според Бесант, заострувањето на економските санкции врз Иран би можело да ја намали веројатноста Вашингтон да се врати на големи воени операции против земјата.
„Ако примениме максимален економски притисок, тоа значи дека веројатно нема да има продолжување на големи воени операции, но нагласувам дека ова е засега“, рече тој.
