Во нападите врз Газа загинале 73.999 лица, Кац пак се закани дека ќе го уништи градот

Израелскиот министер за одбрана, Кац, се закани дека Израел ќе го уништи остатокот од градот Газа и насилно ќе евакуира околу еден милион жители доколку Хамас, со поддршка на Иран или Турција, киднапира барем еден израелски заложник, објави „Џерусалем пост“ .

Инаку, денеска излегоа официјални информации дека во нападите врз градот Газа досега загинале близу 74.000 лица

Кац рече дека неговата закана доаѓа по разузнавачките информации за можни потези од страна на Иран, Турција и нивните сојузници, вклучувајќи го и Хамас. Тој тврдеше дека Израел сака да ги користи таквите закани за да ги одврати своите противници од напад.

Кац: Нема повлекување додека Хамас не се разоружа

Кац зборуваше и за контролата на Израел врз територијата во Појасот Газа. Тој рече дека Израелските одбранбени сили нема да се повлечат од 63-те проценти од територијата што моментално ја контролираат.

Тој рече дека Израел нема да се врати на претходните нивоа на контрола од 53, 30 или 15 проценти од територијата сè додека Хамас не биде целосно разоружан. Американскиот пратеник Џаред Кушнер постојано јавно зборуваше за можноста Израел да преземе чекори кон делумно повлекување од Газа по изборите за Конгресот на САД на 3 ноември.

Таквиот процес би вклучувал делумно разоружување на Хамас. Сепак, Кац сега јасно стави до знаење дека го условува израелското повлекување со целосно разоружување на Хамас.