Бугарија со нов закон ги штити новинарите и од тужби за заплашување

Бугарскиот парламент денеска, 30 септември, изгласа измени со кои новинарите, активистите и другите лица што зборуваат за прашања од јавен интерес добиваат заштита од очигледно неосновани тужби. Правилата ќе важат и за случаи што се водат целосно во Бугарија, со што земјата оди подалеку од минималните барања на ЕУ за прекуграничните спорови.

Ваквите постапки се познати како SLAPP тужби. Тие можат да се користат за да се изложат новинари, медиуми или граѓански организации на долги и скапи судски процеси поради нивното учество во јавната дебата.

Според усвоените измени, туженото лице ќе може најдоцна на првото рочиште да побара судот да отфрли тужба што е очигледно неоснована и е поднесена поради негов јавен настап. Во одредени случаи, конечната одлука за отфрлање на тужбата ќе се објавува и на веб-страницата на судот.

Промените доаѓаат во земја што „Репортери без граници“ ја рангира на 71. место од 180 држави во индексот за слобода на медиумите за 2026 година. Организацијата ги наведува злоупотребувачките тужби меѓу притисоците врз бугарските новинари