Skip to content
Земјотрес со интензитет од 4,5 степени според Рихтеровата скала денеска попладне го погоди источниот дел на Турција, соопшти Европскиот медитерански сеизмолошки центар (ЕМСЦ).
Како што објави ЕМСЦ на својата веб-страница, повикувајќи се на податоците на турската Управа за вонредни состојби и земјотреси АФАД, потресот е регистриран на длабочина од пет километри, на 25 километри северо-северозападно од градот Адијаман.
Засега нема информации за евентуални жртви и причинета материјална штета.
На 6 февруари два катастрофални земјотреси погодија делови од Турција и Сирија. Бројот на жртвите се зголемува секојдневно, а досега загинале повеќе од 46.000 луѓе.
