За прв пат во историјата жените учествуваат во сите парламенти ширум светот

За прв пат во историјата, жените имаат присуство во сите парламенти ширум светот, вели извештајот на Интерпарламентарната унија (ИПУ).

Последниот извештај на организацијата со седиште во Женева – базиран на податоци од 47 земји кои одржаа избори минатата година – покажува дека во споредба со 2020 година, светот продолжува да ја намалува доминантната улога на мажите во претставничките тела, пренесува Euronews.

Застапеноста и различноста меѓу законодавците, исто така, достигнаа рекордно високо ниво оваа година, на многу места.

Во САД, 263 жени се кандидираа на среднорочните избори, што е дополнително напредување од рекордниот број постигнат во 2018 година, иако бројот на жени номинирани за Конгресот е намален во однос на врвот во 2020 година.

Истовремено, во Франција 5,8 отсто од вкупниот број кандидати за новото Национално собрание се од малцинско потекло – рекорд за европската земја.

Различноста доаѓа во форма на родов идентитет и сексуалност: во Колумбија, застапеноста на ЛГБТК+ во Конгресот е тројно зголемена, растејќи од два на шест члена.