Skip to content
Киев очекува повеќе санкции од Европа против Москва по одлуката на рускиот претседател Владимир Путин да распореди тактичко нуклеарно оружје во Белорусија, изјави денеска Михаило Подољак, советник на украинскиот претседател Володимир Зеленски.
Подољак, исто така, го изрази барањето на Украина Европа да и обезбеди повеќе оружје што ќе се користи за изведување контраофанзива.
– Неопходно е да се зголеми воениот потенцијал на Украина за контраофанзива и да се зајакнат санкциите против Русија, истакна Подољак.
Рускиот претседател Владимир Путин вчера најави дека на барање на Минск ќе распореди тактичко нуклеарно оружје на територијата на Белорусија.
