Во Културниот центар „Јадро“ ќе се одржи книжевниот фестивал ДРУГА ПРИКАЗНА

Од 4 до 6 септември (петок–недела) во Културниот центар „Јадро“ ќе се одржи книжевниот фестивал ДРУГА ПРИКАЗНА. Темата на овогодишното издание на фестивалот е ДИСЕНЗУС.

Лауреат годинава е хрватскиот писател Роберт Перишиќ, кому ќе му биде доделена главната награда на фестивалот. Во трите фестивалски денови се предвидени десетина програмски содржини: изложба и промоција на списанието „Маргина“, три предавања, два разговори како дел од форматот „Помеѓу двајца (цел еден свет)“, два разговори во рамките на читачкиот клуб „Одрадек“, неколку книжевни настапи на гостите и музички концерт.

Настаните ќе се одвиваат секој ден, од петок до недела, од 18 до 22 часот. Ќе учествуваат луѓе од нашата земја и од регионот. Преку ден граѓаните по намалени цени ќе можат да купуваат книги од книгоиздателството „Темплум“, кое го организира фестивалот „Друга приказна“.

Во продолжение е деталната програма на фестивалот.

ДРУГА ПРИКАЗНА #11
тема: ДИСЕНЗУС
Центар Јадро, 4-6.09.26.

П Р О Г Р А М А

Петок

18.00. Предавање на Сенка Латиновиќ: „Дефект во системот: маргиналната уметност како место на дисензусот“
19.00. Помеѓу двајца (цел еден свет): Искра Гешоска и Драган Протиќ
20.30. Отворање на изложбата: „18 величествени маргинални уметници“; промоција на МАРГИНА #98
21.00. Настап на Стевица Шепра Михајлов и „Свирачиња“ – „Лу Рид тогаш не дојде“


Сабота

18.00. Предавање на Ивана Момчиловиќ: „Дисензусот како почеток, низ два примера: научна фантастика и Рансијер“
19.00. Помеѓу двајца (цел еден свет): Румена Бужаровска и Роберт Перишиќ
20.30. Доделување на главната фестивалска награда на Роберт Перишиќ и промоција на неговата книга „Што барате овде?“
21.00. „Овде паѓаат крупни зборови“; настапуваат, на темата ДИСЕНЗУС: Роберт Перишиќ, Драган Протиќ, Стевица Шепра Михајлов, Марија Ратковиќ, Стефанија Граовац, Исток Улчар, Соња Станковска, Стефан Алијевиќ, В. Манчевски…


Недела

18.00. Предавање на Андреј Долинка: „О како си убава – изборите за најубава книга“
19.00. „Одрадек“: Симона Трајчевска разговара со Марија Ратковиќ
20.00. „Одрадек“ на тема Дисензус: Ивана Момчиловиќ, Марија Ратковиќ, Каи Гладкова, Драган Протиќ и Никола Гелевски (модератор)
21.30. Мал концерт на Волтер Маја, и журка, за крај