Медиумската информатива агенција (МИА) и Државниот архив на Република Северна Македонија денеска потпишаа Меморандум за соработка, кој се однесува во полето на науката, образованието и културата. Меморандумот предвидува дигитализација на фотографии и други материјали од архивата на МИА.
В.д. директорот на Државниот архив Емил Крстески посочи дека меморандумот што денеска го потпишаа е значаен бидејќи токму преку соработката со Медиумската информатива агенција се овозможува афирмирање на нашата историја.
![МИА и Државен архив потпишаа меморандум за соработка null](https://mia.mk/albums/images/%D0%BC%D0%B5%D0%B4%D0%B8%D1%83%D0%BC%D1%81%D0%BA%D0%B0%D1%82%D0%B0-%D0%B8%D0%BD%D1%84%D0%BE%D1%80%D0%BC%D0%B0%D1%82%D0%B8%D0%B2%D0%B0-%D0%B0%D0%B3%D0%B5%D0%BD%D1%86%D0%B8%D1%98%D0%B0-%D0%BC%D0%B8%D0%B0-%D0%B8-%D0%B4%D1%80%D0%B6%D0%B0%D0%B2%D0%BD%D0%B8%D0%BE%D1%82-%D0%B0%D1%80%D1%85%D0%B8%D0%B2-%D0%BD%D0%B0-%D1%80%D0%B5%D0%BF%D1%83%D0%B1%D0%BB%D0%B8%D0%BA%D0%B0-%D1%81%D0%B5_1cv7K/CA7A2288_pdfF4bMCq/large.webp?use_watermark=1)
-Сметам дека овој меморандум за соработка со МИА е мошне значаен, бидејќи соработката се однесува во полето на науката, на образованието и културата, кои се многу значајни за целиот информативен систем во нашата земја. Ова е добро, затоа што станува збор за афирмација на нашата историја и нашето минато преку МИА, која се надевам ќе ги шири фактите и работите што се случиле во минатото и се значајни за денешницата и за иднината. Посакувам да имаме плодна соработка, додаде Крстески.
![Меморандум МИА и Државен архив null](https://mia.mk/albums/images/%D0%BC%D0%B5%D0%B4%D0%B8%D1%83%D0%BC%D1%81%D0%BA%D0%B0%D1%82%D0%B0-%D0%B8%D0%BD%D1%84%D0%BE%D1%80%D0%BC%D0%B0%D1%82%D0%B8%D0%B2%D0%B0-%D0%B0%D0%B3%D0%B5%D0%BD%D1%86%D0%B8%D1%98%D0%B0-%D0%BC%D0%B8%D0%B0-%D0%B8-%D0%B4%D1%80%D0%B6%D0%B0%D0%B2%D0%BD%D0%B8%D0%BE%D1%82-%D0%B0%D1%80%D1%85%D0%B8%D0%B2-%D0%BD%D0%B0-%D1%80%D0%B5%D0%BF%D1%83%D0%B1%D0%BB%D0%B8%D0%BA%D0%B0-%D1%81%D0%B5_TcFts/CA7A2334_iR4AuZJny/large.webp?use_watermark=1)
Тој напомена оти очекува да се користат и стари фотографии кои би требало да бидат презентирани пред јавноста, како и многу други содржини кои преку МИА ќе допрат до пошироката јавност.
![МИА и Државен архив потпишаа меморандум за соработка](https://mia.mk/articles/images/%D0%BF%D0%BE%D1%82%D0%BF%D0%B8%D1%88%D0%B0%D0%BD%D0%BC%D0%B5%D0%BC%D0%BE%D1%80%D0%B0%D0%BD%D0%B4%D1%83%D0%BC%D0%B7%D0%B0%D1%81%D0%BE%D1%80%D0%B0%D0%B1%D0%BE%D1%82%D0%BA%D0%B0%D0%BC%D0%B5%D1%93%D1%83%D0%BC%D0%B8%D0%B0%D0%B8%D0%B4%D1%80%D0%B6%D0%B0%D0%B2%D0%BD%D0%B8%D0%BE%D1%82%D0%B0%D1%80%D1%85%D0%B8%D0%B2%D0%BA%D0%BE%D1%98%D0%BF%D1%80%D0%B5%D0%B4%D0%B2%D0%B89oG6M/p10MBYKg5/large.webp?use_watermark=1)
Директорот на МИА Драган Антоновски посочи дека потпишувањето на меморандумот е вистински пример за меѓуинституционална соработка.
-Благодарам за она што претстои, за она што ќе го работиме заеднички. Ова е вистински пример за меѓуинституционална соработка меѓу МИА, која известува за случувањата во земјава, регионот и светот и Државниот архив кој знае како да се зачуваат материјалите за идните генерации. Тоа е нашето богатство. Целта е да ги издигитализираме старите фогографии на МИА, за да можат да останат како белег, печат, на она што се случува последните 20 години во земјава, за да може да го корист