Претставниците на коалицијата ВЛЕН во невиден чин на манипулација и измама уште еднаш докажаа дека целата нивна коалиција е изградена на лаги и манипулации.
Нивните јавни изјави за официјална покана да присуствуваат на инаугурацијата на претседателот Доналд Трамп беа срамна измама и грд обид да се создаде илузија за меѓународна поддршка.
Наместо достоинствено да ги застапуваат интересите на граѓаните, тие беа видени како талкаат по улиците на Вашингтон, објавувајќи гротескни фотографии на социјалните мрежи пред плакати на церемонијата и владините згради.
Оваа јавна фарса, платена со парите на даночните обврзници, е врв на манипулациите што го карактеризираат овој политички субјект без визија, без морал и без одговорност кон граѓаните.

Со овој срамен чин тие се понижија, ги посрамотија Албанците и го доведоа во прашање интегритетот на институциите кои ги претставуваат пред очите на светот.

Покрај политичката манипулација, овој случај претставува и груба злоупотреба на јавните средства за скапи екскурзии, кои имаат ниски политички намери.

Овие поединци, освен што не ја застапуваа волјата на народот, овојпат го покажаа вистинското лице на манипулаторот, на лични интереси и мрачни агенди.

Бараме секој од нив јавно да ги објави средствата потрошени од државата за оваа екскурзија и потоа Антикорупциското обвинителство да покрене целосна и непристрасна истрага за овој скандал.
Манипулаторите мора веднаш да престанат со злоупотребата и да ги вратат средствата во државниот буџет