Голем пожар избувна попладнево на Лефкада во Грција

Голем пожар избувна попладнево на Лефкада, едно од омилените места за одмор на Македонците во Грција. Пожарот избувнал во шумска област во близина на населбата Агиос Никитас, на патот што води до познатата плажа Катисма. Бидејќи е во близина на населба, наредена е итна евакуација.

Пожарот на Лефкада бил пријавен околу 16 часот и 41 минути, а брзо биле мобилизирани пожарникарите за да го изгаснат пожарот кој му се заканувал на населбата, но силниот ветер го отежнува гаснењето и локализирањето на пожарот кој брзо се шири.

Поради тоа, жителите на Агиос Никитас на островот Лефкада биле предупредени од Управата за вонредни ситуации, која им испратила апел преку системот 112, со наредба на населението да ја напушти областа и да се евакуира кон градот Лефкада.

⚠️ Ενεργοποίηση 1⃣1⃣2⃣
📍#Λευκάδα

🆘 Δασική πυρκαγιά στην περιοχή Κάθισμα #Λευκάδας

‼️ Παραμείνετε σε ετοιμότητα και ακολουθείτε τις οδηγίες των Αρχών

ℹ️ https://t.co/kexUnlnGMV@pyrosvestiki@hellenicpolice

— 112 Greece (@112Greece) March 23, 2025

На терен се распоредени 34 пожарникари од две групи планинари од 5-та ЕМАК и 10 возила, додека локалните власти даваат поддршка за да помогнат во гаснењето на пожарот од воздух. За гаснење на пожарот бил ангажиран и хеликоптер, но силните ветрови ги попречуваат неговите напори. Во исто време, други специјализирани авиони за гаснење пожари не можат да полетаат поради тоа.