Либан е првата арапска земја што ја укина смртната казна

Денес, Либан ја укина смртната казна и стана првата земја во арапскиот свет што го стори тоа, заменувајќи ја со доживотен затвор со тешка работа.

Одлуката на Парламентот на Либан беше поздравена од ЕУ и организациите за заштита на човековите права, вклучувајќи ја и „Хјуман рајтс воч“.

На почетокот на 2004 година, Либан се обврза на неофицијален мораториум на егзекуциите . Оттогаш, изречени се десетици смртни казни, кои, сепак, подоцна беа суспендирани или преиначени.

Мнозинството во Парламентот, кој брои 128 пратеници, гласаше за укинување на смртната казна, со исклучок на парламентарниот блок на Хезболах.

Либанскиот министер за правда, Адел Насер, изјави дека одлуката е „историски чекор“ за Либан.

Сè уште не е јасно како ќе се спроведува тешката работа пропишана со законот на Либан, но казната ретко се спроведуваше во последните години поради недостаток на средства и простор во преполните затвори.

Либанскиот парламент, исто така, дебатира за контроверзниот закон за општа амнестија, најголемиот од 15-годишната граѓанска војна што започна во 1990 година. Со него би се намалиле казните или дури би се ослободиле осудени борци и трговци со дрога, со некои исклучоци.

Роднините на многу либански војници кои беа убиени или нападнати од исламски борбени групи се противат на усвојувањето на тој закон. Некои од нив велат дека се надевале дека убијците на нивните роднини ќе бидат погубени, а не дека нивните затворски казни ќе бидат намалени.