Skip to content
Лабуристичката партија го потврди изборот на Барнам за свој нов лидер, откако тој беше единствениот кандидат кој ги исполни условите за учество во лидерската трка. Со тоа тој го обезбеди раководството на владејачката партија и ќе ја преземе премиерската функција по формалната транзиција на власта.
Барнам, кој досега беше градоначалник на Големиот Манчестер, се враќа во националната политика со големо искуство зад себе. Пред функцијата градоначалник, тој беше пратеник и извршуваше неколку министерски позиции во британската влада.
Во првиот говор како лидер на лабуристите, Барнам порача дека сака да внесе нов пристап во британската политика, со поголем фокус на локалните заедници, економскиот развој и подобрување на јавните услуги. Тој најави и дека ќе работи на поголемо единство во партијата по периодот на внатрешни несогласувања.
Неговото преземање на лидерската позиција доаѓа по заминувањето на Кир Стармер, кој беше под притисок поради падот на популарноста на владата и критиките за насоката во која се движеше партијата. Барнам сега ќе треба да се соочи со економските предизвици, прашањата за јавните услуги и политичките поделби во земјата.
Новиот лидер на лабуристите најави дека неговиот иден владин тим ќе биде составен од претставници на различни крила во партијата и од различни делови на Обединетото Кралство. Тој посочи дека целта е создавање поширока политичка поддршка и враќање на довербата кај граѓаните.
