Европската централна банка ги зголеми каматните стапки – имплементација од 17 јуни

Европската Централна Банка одлучи да ги зголеми трите клучни каматни стапки за 25 базични поени од 17 јуни 2026 година. Така, каматните стапки на депозитните овластувања, главните операции за рефинансирање и маргиналните кредитни овластувања ќе бидат зголемени соодветно на: 2,25 проценти, 2,40 проценти и 2,65 проценти, објави ЕЦБ.

Како што беше потсетено, ЕЦБ е посветена на водење монетарна политика на начин што ќе обезбеди стабилизирање на инфлацијата на целното ниво од два проценти на среден рок.

„Војната на Блискиот Исток создава инфлаторни притисоци, а одлуката за зголемување на стапките е оправдана според низа сценарија што покажуваат како шокот би можел да се развие и да влијае на среднорочните перспективи за еврозоната“, се вели во соопштението на ЕЦБ.

Во основното сценарио на новите проекции, се очекува вкупната инфлација да изнесува во просек 3% во 2026 година, 2,3% во 2027 година и 2% во 2028 година.

о споредба со март, персоналот ја ревидираше нагоре својата проекција за базичната инфлација за 2026 и 2027 година поради повисоката траекторија на цените на енергијата, што се очекува до одреден степен да се пренесе на инфлацијата на храната, стоките и услугите.

Основното сценарио предвидува просечен економски раст од 0,8% во 2026 година, 1,2% во 2027 година и 1,5% во 2028 година.

Ова, се истакнува во извештајот, претставува надолна ревизија за 2026 и 2027 година, што го одразува поизразеното влијание на војната врз пазарите на стоки, реалните приходи и довербата.

„Целосните последици од војната врз среднорочната инфлација и раст ќе зависат од интензитетот и времетраењето на шокот предизвикан од цените на енергијата, како и од обемот на неговите индиректни и секундарни ефекти“, се вели во соопштението