Skip to content
Украинскиот претседател Володимир Зеленски соопшти дека во последната недела во руски напади врз Украина загинале 52 лица, а 346 биле повредени. Меѓу ранетите има и 22 деца, додека голем дел од ударите, според Киев, погодиле станбени објекти и цивилна инфраструктура.
Зеленски наведе дека Русија во истиот период лансирала повеќе од 3.170 борбени дронови, над 1.300 наведувани авионски бомби и 74 ракети од различен тип, од кои најголем дел биле балистички. Киев порачува дека ваквиот интензитет повторно ја отвора потребата од посилна противвоздушна одбрана и заедничка европска заштита од балистички закани.
Нападите доаѓаат во период на засилена размена на удари меѓу двете земји. Русија продолжува со масовни воздушни напади врз украински градови, додека Украина ја зголемува употребата на дронови против цели на руска територија, вклучително и околу Москва.
