Skip to content
Талибанците издадоа наредба до сите невладини организации во Авганистан, домашни и странски, да престанат да вработуваат жени. Непочитувањето на оваа одлука ќе резултира со затворање на организациите и одземање на нивните лиценци за работа, предупредува Министерството за економија.
Од талибанското Министерство велат дека имаат целосна надлежност врз регистрацијата и надзорот на сите организации во државата. Освен забраната за жени во невладиниот сектор, властите ја суспендираа и работата на жените во владините институции што не се под директна контрола на талибанците.
Ова дополнително ги намалува можностите за вработување и образование на жените, кои веќе се исклучени од основното образование по шесто одделение и им е забранет пристап до многу јавни простори и професии.
Многу невладини организации и меѓународни институции остро ја осудија оваа одлука, нагласувајќи дека ваквите мерки значително ги нарушуваат основните права на жените во Авганистан и ја влошуваат нивната положба.
Талибанците, со овие последователни ограничувања, продолжуваат да ја одземаат секоја можност за учество на жените во јавниот живот, враќајќи ја земјата кон политика на екстремна изолација и родова дискриминација.
