Skip to content
Според најновиот извештај на Euromonitor, Европа доминира на листата на најпосетувани градови во светот за 2024 година, при што 63 од 100-те најдобри дестинации за одмор се наоѓаат на овој континент. Извештајот на компанијата за пазарно истражување ја оценува привлечноста на градовите на глобално ниво, земајќи предвид различни фактори како што се економските перформанси, туристичката инфраструктура, безбедноста, одржливоста и други.
Според извештајот, Париз е прогласен за најдобра градска дестинација на светот во 2024 година. Во топ 10, со следните позиции се наоѓаат Мадрид (2), Токио (3), Рим (4), Милано (5), Њујорк (6), Амстердам (7), Сиднеј (8), Сингапур (9) и Барселона (10).
Европските метрополи доминираат со својата привлачност, а градови како Токио и Сингапур исто така продолжуваат да бидат во голема мера популарни за туристите. Рангирањето се базира на фактори како економска и деловна активност, туристички атракции, инфраструктура и одржливост, и се проценува дека овие градови ќе бидат главни туристички дестинации во текот на 2024 година.
