Маж се разнесе со бомба пред продавница во Хрватска

Во доцните попладневни часови, нешто пред 18 часот, жител од ромска националност си го одзеде животот со бомба пред продавница во хрватскиот град Дарда, на ужас и страв кај минувачите и вработените.

Полицијата на Осјечко-барањската жупанија ја потврди веста, информирајќи дека нивни екипи веднаш реагирале и излегле на терен.

Според локалните жители, човекот бил дел од маргинализирана група која редовно престојувала пред продавницата. „Тие двајца постојано се тука, пијат, очигледно се во тешка психичка состојба и живеат на маргините. Ова е резултат на целосна небрежност“, вели една 40-годишна жителка на Дарда.

Трагедијата се случила во близина на основно училиште, каде наставниците навремено ги задржале учениците внатре, што спречило евентуална поголема катастрофа. Школото е оддалечено помалку од еден километар од местото на експлозијата.

Овој немил настан уште еднаш отвора сериозни прашања за односот на институциите кон психичкото здравје, сиромаштијата и интеграцијата на ранливите заедници. Иако службеничките од продавницата се неповредени, нивниот шок сведочи за тежината на ситуацијата.

Увидот на полицијата е во тек, а деталите се очекуваат.