Skip to content
Во Турција вчера е измерена највисоката температура откако постојат метеоролошки мерења – дури 50,5°C, објави Severe Weather Europe.
Историскиот рекорд е забележан во регијата Силопи, на југоистокот на земјата, во близина на границата со Ирак и Сирија. Овој екстремен температурен максимум доаѓа во време на силен и долготраен топлотен бран што го зафати југоисточниот дел на Европа и Балканот, каде температурите често надминуваат 45°C.
Според извештајот на Severe Weather Europe, Силопи редовно се соочува со екстремни жештини поради влијанието на суви и топли воздушни маси што пристигнуваат од Блискиот Исток. Новиот рекорд сè уште ја чека официјалната потврда од турската метеоролошка служба (MGM). Доколку биде потврден, ќе го надмине досегашниот рекорд од 49,5°C, измерен во Џизре во 2021 година.
Овој рекорд дополнително ја нагласува сериозноста на климатските промени и екстремните временски услови што сè почесто го погодуваат светот, особено јужна Европа.
