Skip to content
авноста е запознаена со веќе објавените „нон-пејперс“, кои му се припишуваат на до неодамна словенечкиот премиер Јанез Јанша (СДС/ЕПП), кои предвидуваат прекројување на границите на Балканот и исчезнување на Босна и Херцеговина, Црна Гора и Северна Македонија како држави. Јанша е познат како близок соработник на унгарскиот премиер Виктор Орбан (Фидес), кој основаше мрежа за инвестиции и медиумска мрежа на Балканот. Основаше бројни медиумски портали, кои произведуваат лажни вести и продуцираат разни афери. Тој индиректно е и сопственик на сараевски медиуми, пишува во анализата на Меѓународниот институт за блискоисточни и балкански студии ИФИМЕС од Љубљана, по повод формирањето влада во Босна и Херцеговина по деветтите општи избори.
Пренесуваме дел од обемната анализа на ИФИМЕС
Дали Јанез Јанша е дел од коалицискиот договор во БиХ?
Аналитичарите предупредуваат на силни врски меѓу домашните и странските политичко-криминални структури во БиХ. Пример е соработката меѓу актуелниот претседател на Република Српска, Милорад Додик и до неодамна премиерот на Словенија и лидерот на радикално десничарската Словенечка демократска партија, Јанез Јанша. Милорад Додик ги опструира и блокира истрагите во Босна и Херцеговина, кои се водат во врска со незаконското финансирање на Словенечката демократска партија на Јанез Јанша, така што Милорад Додик преку СИПА, Обвинителството на БиХ, некои други агенции и делумно преку Агенцијата за разузнавање и безбедност на Босна и Херцеговина (ОСА), која сè уште не му е под контрола, се обиде да ги запре тие истраги или резултатот од тие истраги да биде поволен за Јанез Јанша. Јанша, пак, заедно со Виктор Орбан, Андреј Пленковиќ (ХДЗ/ЕПП) и политичко-криминалното милје го блокираа воведувањето санкции од страна на ЕУ против Милорад Додик.
Дали Јанез Јанша е дел од коалицискиот договор во Босна и Херцеговина, бидејќи има евидентни напори тие истраги да се запрат, односно исходот од тие истраги да биде во корист на Јанез Јанша?
Иако Јанез Јанша повеќе не е премиер на Словенија, тој сè уште ги застапува интересите на Милорад Додик преку Европската народна партија (ЕПП), најголемата групација во Европскиот парламент, чиј член е и преку радикалната европска право и политичко-криминални структури, што значи против Босна и Херцеговина. Јанша прави скандали во Словенија и во регионот (последниот пат во Косово) за да ја прикрие истрагата во Босна и Херцеговина, која е поврзана со финансирањето на неговата Словенечка демократска партија (СДС) и чиј исход може да има влијание за неговата понатамошна политичка кариера. Илустративен пример за криминал е Регионалниот совет за соработка (РСС) со седиште во Сараево, кој е пример за регионален криминал под водство на генералниот секретар Мајлинда Брегу, која се обидува да добие втор мандат на таа позиција за да продолжи со криминалот и коруптивни активности.
Односот и соработката меѓу Милорад Додик и Јанез Јанша е пример и потврда за блиската соработка на домашните и странските политичко-криминални структури, особено криминалните структури од ЕУ. Затоа е важно да се спроведе професионална и независна истрага во Босна и Херцеговина, која се однесува на финансирањето на Словенечката демократска партија (СДС) на Јанша и дали финансирањето влијаело на резултатите и регуларноста на парламентарните избори во Словенија. Ова е особено важно, бидејќи Јанез Јанша има практика да продуцира афери и да ги обвинува политичките ривали за незаконско финансирање, притоа заобиколувајќи се себеси. Дел од парите добиени со криминал во Босна и Херцеговина се перат без никакви пречки и се инвестираат во Кипар, Грција и земјите од регионот Предвидената исплата од 200 милиони евра на Рашид Сердаров, рускиот бизнисмен сопственик на компанијата „Comsar Energy Republika Srpska“, може да претставува форма на финансиска поддршка на Милорад Додик за режимот на Путин.
Путиновци институционално владеат со БиХ
Иако САД, според јавно објавените податоци, потрошиле 80.846.580 долари во Босна и Херцеговина за да го потиснат руското влијание во периодот 2017-2021 година, руското влијание постојано растеше. За балканските земји се издадени вкупно 454 милиони американски долари. Така, парите на американските даночни обврзници се трошеа преку различни форми на грантови, најмногу за граѓанското општество. Формирањето на новиот совет на министри на Босна и Херцеговина е потврда дека руското влијание стана доминантно во Босна и Херцеговина.
Аналитичарите предупредија дека за превенција на мирот во Босна и Херцеговина, неопходно е да се распоредат американски воени трупи во областа Брчко, Босна и Херцеговина и Источно Сараево. Доколку американските воени трупи беа распоредени навремено, сигурно немаше да има церемонија за одбележување на неуставниот Ден на Република Српска на 9 јануари во Источно Сараево. Режимот на Милорад Додик има намера да го организира одбележувањето на 9 јануари следната година на територијата на округот Брчко во Босна и Херцеговина, а има очекувања Додик и јавно да го објави отворањето на Рускиот хуманитарен центар во Република Српска.
Украинската криза е шанса за ЕУ да иницира забрзани механизми за проширување, а тоа зависи од постоењето на политичка волја во ЕУ за вклучување на земјите од Западен Балкан во нејзиното членство, бидејќи постои реална опасност земјите од Западен Балкан да фаворизира други сфери на интерес и интеграција. Нема веќе ентузијазам за членство во ЕУ. Во земјите од Западен Балкан постои алтернатива за членството во ЕУ, бидејќи претходната политика на ЕУ кон регионот се засноваше на различни облици на условувања, уцени и понижувања и никогаш не беше целосно искрена. Луѓето од Западен Балкан имаат силен отпор на таквиот однос на ЕУ кон нив. Доделувањето кандидатски статус на БиХ од страна на ЕУ доцни најмалку една деценија, а тоа е уште една потврда за погрешната и задоцнета политика на ЕУ кон Западен Балкан, додека луѓето на Путин институционално ќе ја преземат контролата над таа земја со воспоставување на нова владата во БиХ, се наведува во анализата на ИФИМЕС.
Подготви: Ј. Ѓ. / фронтлајн.мк
